بانکى زانیارى ... سەرچاوەیەک بۆ شرۆڤە و بڕیارى دروست >>> بنك معلومات ... مصدر للتحليل والقرار الصائب >>> INFORMATION BANK ... SOURCE FOR ANALYZE AND THE RIGHT DESCRIPTION

لە یادى فرمانى (74)ى، برا ئێزدییەکاندا

لە یادى (5) ساڵەى داگیرکردنى شەنگال لەلایەن تیرۆریستانى داعش. سەرى رێز و نەوازش لە ئاست شەهیدانى ئەو پەلاماردان و داگیرکارییە تیرۆریستیە دادەنوێنین.
لە ڕۆژى 1 تا 3/ 8/ 2019، تیرۆریستانى بەناوى دەوڵەتى ئیسلامى ( داعش) بە هاوکارى چەند عەرەبێکى هاوردە و گوندێکى نیشتەجێى ناوچەکە، پەلامارى شارۆچکەى شەنگالیاندا. ئەو پەلاماردانە لەناو برا ئێزدییەکاندا بە فرمانى (74) ناودەبرێت، کە پێشتر لە چەند قۆناغ و سەردەمێکى مێژوویدا چەندین هەوڵى کۆمەڵکوژى و سڕینەوەى ئایین و داب و نەریتیان دراوە.
تیرۆریستانى داعش لەو پەلاماردانە و داگیرکاریەدا، بە هەزاران کەسیان لە پیاو و ژن و منداڵ زیندەبەچاڵ کرد. هەروەها بە هەزاران ژن و کچى ڕفێنران، کە تا ئێستاش چارەنوسى هەزارانیان وونە. سەربارى ئەوەى بە سەدان هەزار کەسیان ئاوارە و دەربەدەرى شارەکانى هەرێمى کوردستان و ڕۆژئاواى کوردستان و تەراوگە بوون. لەم یادە خەمناکەدا، دووبارە داوا لە لایەنە پەیوەندیدارەکان دەکەین، چیتر بە خەمساردى نەڕوانە کەیسى کۆمەڵکوژى شەنگال و ناوچەکانى تر. هەموو هەوڵ و کۆششێک بخەنەگەر بۆ دۆزینەوەى گۆڕى شەهیدانى ئەو کۆمەڵکوژییە و ناساندنى وەک جینۆساید لەسەر ئاستى نێودەوڵەتى و هەرێمى و ناوخۆدا. قەرەبووى ماددى و مەعنەوى خەڵکى شەنگال بکرێتەوە. هەمیشە لە سایەى بیرى شۆڤینى و تیرۆریستى لە عێراق و ناوچەکەدا، مەترسى دووبارە بوونەوەى تراژیدى بەو چەشنە هەیە.
سزاى هەموو ئەو بەرپرسە ئیدارى و سەربازى و حزب و لایەنە و ووڵاتانەش بدرێ، کە ڕۆڵێکى نیگەتیڤیان بینیووە لەو کۆمەڵکوژیەدا.

نەمرى بۆ شەهیدانى شەنگال و سەرجەم شەهیدانى کوردستان.
سەربەرزى بۆ گەلەکەمان.

وەڵام دانەوە

Your email address will not be published. Required fields are marked *

*

دەتوانی ئەو تاگ و خەسڵەتانە HTML بەکاربێنیت: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top